കൊച്ചി: സപ്ലൈകോ ആലിന് ബ്രാന്ഡില് ഇറക്കുന്ന നോട്ടുബുക്കുകളുടെ ഔദ്യോഗിക പ്രകാശനം ഇന്ന് ഉച്ചയ്ക്ക് 1.30ന് എറണാകുളം ഗസ്റ്റ് ഹൗസില് മന്ത്രി അനൂപ് ജേക്കബ് നിര്വഹിക്കും.
സംസ്ഥാനത്തെ ഏറ്റവും പ്രായം കുറഞ്ഞ അവയവദാതാവായി മാറിയ ആലിന് ഷെറിന് ഏബ്രഹാമിന്റെ സ്മരണയിലാണ് സപ്ലൈകോ ഈ വര്ഷത്തെ നോട്ടുബുക്കുകള് പുറത്തിറക്കുന്നത്.
ചടങ്ങിൽ മേയര് വി.കെ. മിനിമോള് അധ്യക്ഷത വഹിക്കും. ആലിന്റെ മാതാപിതാക്കളായ അരുണ് ഏബ്രഹാം, ഷെറിന് ആന് ജോണ് എന്നിവരെ ആദരിക്കും.
ടി.ജെ. വിനോദ് എംഎല്എ, ഹൈബി ഈഡന് എംപി, കോര്പറേഷന് കൗണ്സിലര് അഗസ്റ്റിന് സെബാസ്റ്റ്യന്, സപ്ലൈകോ മാനേജിംഗ് ഡയറക്ടര് വി.എം. ജയകൃഷ്ണന്, ജനറല് മാനേജര് എം.യു. ബിജു തുടങ്ങിയവര് പങ്കെടുക്കും. നോട്ടുബുക്കുകളുടെ കവര് ഡിസൈനിംഗ് പൂര്ത്തീകരിച്ച തേവര സേക്രഡ് ഹാര്ട്ട് കോളജിലെ വിദ്യാര്ഥികളെയും യോഗത്തില് അനുമോദിക്കും.
E-paper LOGIN
LOGIN
